Namenswappen           Köhler

Stand:

Samstag, 7. November 2026

Wappen von Ostfriesland

Cristine un Andreas hett mi erlaubt, dat ik ihr Texte wiedergeben darf.

En wahr Vertellsel: En Burenplaats muss ut de Not herut van de junge Generation overnomen worden. Dat weer man blot, dat de ollste Jung, Jasper heed he, dat wesen muss, un dat dee verheiraat wesen muss. Nu kämpfte disse aber an de Front. Somit söchten de Bröers hum en Fro, mit de Naam Antje, de he denn ohn hör to kennen, in en Ferntrauung heiraden de. Nu passten de beid overhoopt neet tosaam. Se hebben noit mitnanner slapen, haren tiets Leven elk hör egen Slapkamer un kregen, wo sullt anners wesen, ok keen Kinner. Enes Dags starv Antje. Se haren spaarsaam levt. Antje weer dat eenzigst Kind van hör Ollen un so arv Jasper en hennig Vermögen. Nu muss he ja man na en Avkaat, dat Wark muss ja regelt worden. Steinbömer, so heed de Avkaat, harr en Schriever un de sä: „Herr Jaspers, dass Beste wird sein Sie suchen sich eine neue Frau!“ „Dat will ik ok woll, man waar sall ik de denn so tomaal weg kriegen?“ „Ich kenne eine, soll ich Ihnen die mal schicken?“ „Ja, dat sall woll ’t Best wesen!“ De Schriever hett hum de Fro stürrt. Harr Antje hum noit ran laten, so weer de Neeij nett anners um. Se kunn heelneet genog kriegen un hett hum de „Kalveree“ lehrt. As de Bröer van Jasper de beid eenes Dags froog wo se sük denn kennen lern harren un so wieder, kreeg he van hör disse Antword: „Ja, dat weer so wat, he wull ja neet, man Junge di, een so’n Slagg, do harr ik hum an de Grund un hebb hum vergewaltigt!“ Daarbi mutt man weten, Jasper weer to de Tied tachentig Jahr old. Se hebben heiraad un dat gesamte Vermögen verballert. As ’t all upbruukt weer, sall se seggt hebben: „Nu sitt ik d’r man mit, nu will de Düvel neet dod gahn!“ Jasper wuur tachuntachentig Jahr old.Christine Günnel

[Platt Sieden 1] [Platt Sieden 2] [Platt Kolumne] [EU-Charta] [OOSTFREESK SPRÖÖKJE] [Hanse] [Links]